Şükür Şənol

Şükür Şənol
Şükür Məmiş oğlu Əliyev
Doğum tarixi	11 fevral 1955
Doğum yeri	Yevlax, Yevlax rayonu, Azərbaycan SSR, SSRİ
Vətəndaşlığı	SSRİ→ Azərbaycan
Milliyyəti	azərbaycanlı
Təhsili	BDU Jurnalistika fakültəsi
İxtisası	jurnalist
Fəaliyyəti	publisist yazıçı tərcüməçi
Əsərlərinin dili	azərbaycanca

Əliyev Şükür Məmiş oğlu (Şükür Şənol) (11 fevral 1955, Yevlax) — postmodern yazıçı, publisist, Azərbaycan Yazıçılar və Jurnalistlər birliklərinin üzvü.

Həyatı

Şükür Şənol 11 fevral 1955-ci ildə Yevlax şəhərində anadan olub. Əslən Füzuli rayonunun Böyük Bəhmənli kəndindəndir. Bakı Dövlət Universitetinin Jurnalistika fakültəsini bitirib. "Azərbaycanfilm" kinostudiyasında, "İşıq" nəşriyyatında, "Kommunist" ("Xalq qəzeti"), "Azernews" qəzetlərində işləyib. Hazırda "Respublika" qəzetinin xüsusi müxbiridir.

Yaradıcılığı

"Ağ qoç, qara qoç" (1988), "Nə, gözəl onu andı, sevdi, düşündü hər türk" (1989), "Son bahar rüzgarları" (1999), "... bu eşqin bır anlamı" (2007), "...aramızdakı bir mələk" (2007), "Yüz ildən bir sətir" (2009) və s. kitabların müəllifidir.

Yazarın "...aramızdakı bir mələk" (2007) kitabına erkən gənclik illərində və XX əsrin 2010-cu ilinə qədər bir dövrdə qələmə aldığı yazılar daxil edilmişdir. Ş.Şənolun "Azərbaycan", "Ulduz" jurnallarında silsilə yazıları dərc olunmuşdur. "Qarabağın Aran ağzı — Arazbar" (1998) kitabını Ənvər Çingizoğlu ilə birlikdə qələmə almışdır.

Kitabları

• "Ağ qoç, qara qoç" (1988)
• "Nə, gözəl onu andı, sevdi, düşündü hər türk" (1989)
• "Son bahar rüzgarları" (1999)
• "...aramızdakı bir mələk" (2007)
• "... bu eşqin bır anlamı" (2007)
• "Yüz ildən bir sətir" (2009)
• "...aranızdakı bir mələk" (2012)

Tərcümələri

• İvan Bunin, Marina Svetayeva (Rusiya), Uilyam Folkner (ABŞ), Qrem Qrin (Böyük Britaniya) və Ueda Akinaridən (Yaponiya) tərcümələrin müəllifidir.

Ədəbiyyat

• Bütöv Azərbaycan qəzeti, №14(146), 25-30 aprel 2012-ci il.